تو هیسی عسل گوده، تو هیسی زمات ˇ رازه امره
مره اندی شیرینی که خوش ئادان امی دیما مائاران خو عزیز ˇ زاکان ˇ دیم ˇ سر'
تو بداری می گوتن هچی هیسه ، می جی بهتر بون ˇ روج یاده تره
فچمانئه نتونس اسأ تره، دئباری شورش ؤ کولاکان عبث
ایسه نی هیته هیسه، دَله وا هچی خؤر' پا کوتونه، تی بلا وا بگنه امی سر'...
تو دبو تا که دبیم تو بزیو تا بزیویم، دؤنی آخر تو هیسی زمات ˇرازه امره
تا ایسه بی بونه دار' کی بدئه؟ اونˇ خال ˇ ولگ ؤ بار' کی بدئه؟
آها جان... بونه شرطه همیشک اگرن پورسی چره؟
بشکهه چون که اگر کارسنه جی، چندته خال ˇ ژگره
بونه ساجه یه گرش دئه اوشان' دبؤن ˇ جی
خور سو وا دتاوه، بشکسئه خالکان ˇ ساتن ˇ ره
چندگا خور' امره لا ودئه بؤن، امره تأریکی دل بداشته بؤن
ایسه همباره چمالیم دکته لس لسه دئه شناسیم امی زر'
شیون ˇ ئی گب ددار یاد هئه مره:
«سبزعلی سبز ئاکونه تی دامن'
گول علی گول تاودئه تی گردن'
شیرعلی وجاورئه تی دوشمن'»
آها جان...تو هیسی زمات ˇ رازه امره
--------------------------------
مائاری زوانی جیهانی روج شمره موبارک ببون
--------------------------------
بعضی واژاکانی فارسی واگردان:
رازه=هدیه، سوغات/ دیما=دیار /دَله=هرزه
کارسنه= حادثه ِبد/همباره=یواش/چمالیم=گرگ و میش