گیلکی زوان ˇ مئن «ورزا vƏrza»، گاوی هیسه که زیمی شۋم زئن ره استفاده بو.
«وراز vƏraz» نی هو «خوک/فی/خی» هیسه که فارسی زوان ˇ مئن
«گراز goraz» اون ˇ معادل هیسه ( فارسی مئن و>گ تبدیل بؤبه)...
ایران ˇ دئباری زوانان ˇ مئن «vƏrƏz» ، «کار گودن، ورزگری گودن،
زیمی کاشتن» معنی دهه ...
هئی ورزگری (برزگری)/ورزگر (برزگر) نی هئی بونه جی
هیسه که هندی اروپایی اولیه مئن « werg-» واساته بو که
اون ˇ معنی «انجام دئان ؤ کار گودن» هیسه ( اینگیلیسی مئن
  workِهمرا همبونه هیسه) ...
ورزا مئنی «ا» نی گیلکی مئن فاعلی/مفعولی پسوند هیسه.
مثلا ئی واژاکان ˇ مئن:
وینا= کسی که ینه - فاعلی ( گیلکی تبری متون ˇ مئن ثبت بؤبه) 
کارا=زیمی که بکاشته بؤبه – مفعولی ( دیلمی شرقی گویش)... 
پس ورزا=حیوانی که زیمی' کاره...
ورزا تکلیف که مألمه؛اما وراز چه ربطی تونه ئی مفهوم' بداره؟
ئی پورسش ˇ آوج' وا وراز ˇ کردکار ˇ مئن یاتن... ئی جؤنور،
غذا یاتن ˇ ره، خو دوتته بیل ˇ جی زیمی' کنه ؤ اون ˇ بکنده جا
ایته وامؤن دهه که یه نفر اون' شۋم بزئه! «ا» ی که ئی واژه
مئن دره نی میانوند هیسه که بونه جی اسم چاکونه...
گیلکی گویشان مئن «خوک/فی/خی» نی وراز ˇ ره بکار شو که «فی»
جی شئه احتمال دئن اینگیلیسی مئن pig ˇ همرا همریشه ببو...
جالبه که pig بونه نی، اولیه هندی اروپایی مئن perk واساجی بؤبه
ؤ اون ˇ معنی نی «کندن ؤ حفاری گودن» هیسه؛ هو کاری که
اون ˇ واسر این ˇ نام' وراز بؤگوتئن!!