نؤروشین !

یار علی مشته حسن خوشته بیجار' نؤروشین
وا بشین تنها بنین جؤن ˇ برار'؟ نؤروشین
یاد ئاکوردین پیئر ˇ جانکونوش' باغان ˇ سر
روتن' دس وگیرین وی یادگار' نؤروشین
ندی چی بلا بیأرد فلسطین ˇ سر ئی جفا
ملک ˇ روشی عاقبت فنار فناره نؤروشین
فکر بؤکوردی تو ازا تی وچه تکلیف چی بونه
بساته ویلاشان ˇ سرایداره نؤروشین
تو خیال کونی نؤدؤنم تی کیجا عاروس بؤبه
لس لسئه رچ ئاگیرین جهاز' چاره نؤروشین
خیر نؤخؤرد دلالشان دال ˇ مؤسؤن چؤشم ئاموجن
کی ندأره سر بیارن اونی کار' نؤروشین
ویری خو ور نئینم واردات' خور دبؤ روج
چاره ره خیال دبیم وا سندیکا ره نؤروشین
دئباری خلک مگر زیوش ˇ ره زیمی روتن؟
اوشان ˇ گرته نبون کار امی زاره نؤروشین
امی دیما جوانان غؤربت ˇ آواره بؤبؤن
دؤبؤ کس گردی نبون بؤدؤن بیکاره نؤروشین
تورکه قناد امی شی بیل هگیتئه اصفهانی
غریب ئابئیم خو خؤنه زیمی زوار' نؤروشین
کت بزئاره ئی زیمی وال ئانبون هر چی کشی
پیلاپئران ˇ گبه : روتن وی عاره نؤروشین

اپچ apch

خورتاوی گیله مردی گویش ˇ مئن «اپچ apch» مززه یی هیسه که اونی چشتن ˇ همرا
آدم ˇ مچه دچئه بو که خورتاوی دیلمی گویش مئن «دج daj» ˇ معادل هیسه.
اگر تا ایسه ئی مززه' نچشتین، نپوته اربه یا نپوته کونوس ˇ خؤردن ˇ جی
تونین بچشین!
ئی کلمه مئن احتمالا «ا» منفی ساج پیشوند ببون ؤ «پچ» نی پؤتن/پؤختن ˇ هسابونه
ؤ کلا تحت اللفظی «نپوتئار،نرسئر،کال» معنی بدئه...گیلکی زوان ˇ مئن ئی منفی ساج
پیشوند' «اویر» مئن نی شئه دئن که « بَیه،گوم » معنی دهه ؤ اگر «ویر» ˇ معنی'
«فکر، یاد» بگیریم «اویر» ˇ تحت اللفظی معنی بو «ئو چی که یاد ˇ مئن دننه،
یاد ئاگودئار و...».

سیناو/هسنو

گیلکی زوان ˇ مئن «سیناو sinav/هسنو hesnu» فارسی مئنی «شنا shena»
معادل هیسه... گاگلف «سیناو»' ئی توجیه همرا که ئی کلمه «سینه» ؤ «آو» ˇ جی
بساته بؤبه، «سینه آو» نیوسن اما ئی کلمه ترکیب ˇ جی بساته نؤبه یؤ
اون ˇ مؤسؤنچی دئباری زوانان ؤ دئباخی هندی اروپایی زوانان ˇ مئن نی دره...
اوستایی زوان ˇ مئن «سنا sna»دره که «شوردن» معنی دهه.
سانسکریت ˇ مئن sna «جؤن ئاشۋر گودن، حمام گودن» معنی همرا بومئه...
پهلوی اشکانی مئن «سناژ snazh» ؤ پهلوی ساسانی مئن «شناز shnaz»
ثبت بؤبه که «سیناو» معنی دهن... اروپایی زوانان ˇ جی ایرلندی دل «snámh»،
«سیناو» ˇ معنی همرا بکار شو. ایرانی زوانان ˇ جی نی هوته که
جؤرتر ذکر بؤبؤ فارسی مئن «شنا shena»،کلهری گویش مئن کوردی
زوان ˇ جی «سناو senaw» دره که گیلکی دلی «سیناو/هسنو» همرا هم بونه ؤ
معادل هیسن.
(پیشین هندی اروپایی: sna)

گیجاله gijale/گیجیک gijik

ئی کلمه ئان گیلکی دوتته گویشان ˇ مئن «فرش،لچیک و... حاشیه ؤ طره»
ره بکار شون... چون «گیج» هردوتته دل دره شئه گوتن «اله» ؤ «ک»
پسوند هیسن... اما «گیج» ˇ معنی چی هیسه؟ خورتاوی دیلمی گویش ˇ مئن
«وژم vazhm» دره که «ویراشینئه مۋ» ره بکارشو که خورخؤسی گیله مردی
مئن «غوشم qushm» ˇ معادل هیسه... تهرانی فارسی مئن «وز vez»،
«تیر ئابؤ مۋ» معنی دهه، سورانی کوردی مئن «غژ qezh»، «مۋ»
معنی دهه یؤ بعضی ایرانی زوانان ˇ مئن «مۋ ، دراز ˇ مۋ» واسر
«گیس gis» بکار شو... بعضی زوانان ˇ دل نی «گژگن gazhgen»،
«وژم ؤ غوشم» ˇ معنی همرا استفاده بو...ایرانی زوانان ˇ دل «و>گ-غ)»
ؤ «چ-ژ>ج>ز-س» دگردشان داب هیسه ؤ این ˇ سر شئه گوتن جؤؤری
کلمه ئان کسن' مرتبط هیسن ؤ احتمالا «مۋ»' ربط بداره ؤ گیجیک ؤ گیجاله
معنی' «کوتا مۋ/کوچ ˇ مۋ» فرض گودن... اوستایی زوان ˇ مئن مۋ واسر
«ورسه varasa» ثبت بؤبه. یته دئه کلمه دأریم که ظاهر ؤ معنی ایشان'
نزیک هیسه: «کچ kach=ابریشم»؛ شاید هین نی جؤؤری واجه ئانی همبونه ببو!

گیجاله gijale/گیجیک gijik

ئی کلمه ئان گیلکی دوتته گویشان ˇ مئن «فرش،لچیک و... حاشیه ؤ طره»
ره بکار شون... چون «گیج» هردوتته دل دره شئه گوتن «اله» ؤ «ک»
پسوند هیسن...
اما «گیج» ˇ معنی چی هیسه؟
خورتاوی دیلمی گویش ˇ مئن «وژم vazhm» دره که «ویراشینئه مۋ»
ره بکارشو که خورخؤسی گیله مردی مئن «غوشم qushm» ˇ معادل هیسه...
تهرانی فارسی مئن «وز vez»، «تیر ئابؤ مۋ» معنی دهه، سورانی کوردی
مئن «غژ qezh»، «مۋ» معنی دهه یؤ بعضی ایرانی زوانان ˇ مئن
«مۋ ، دراز ˇ مۋ» واسر «گیس gis» بکار شو...
ب...عضی زوانان ˇ دل نی «گژگن gazhgen»، «وژم ؤ غوشم» ˇ معنی
همرا استفاده بو...ایرانی زوانان ˇ دل «و>گ-غ)» ؤ «چ-ژ>ج>ز-س»
دگردشان داب هیسه ؤ این ˇ سر شئه گوتن جؤؤری کلمه ئان کسن' مرتبط هیسن
ؤ احتمالا «مۋ»' ربط بداره ؤ گیجیک ؤ گیجاله معنی' «کوتا مۋ/کوچ ˇ مۋ»
فرض گودن...
اوستایی زوان ˇ مئن مۋ واسر «ورسه varasa» ثبت بؤبه.
یته دئه کلمه دأریم که ظاهر ؤ معنی ایشان' نزیک هیسه: «کچ kach=ابریشم»؛
شاید هین نی جؤؤری واجه ئانی همبونه ببو!