X
تبلیغات
گیل و دیلم

گیل و دیلم

خورتاو فارسی میان بونه"شرق"

گیلکی

چند گاه پیشان خؤنه وَر، چاشت موقع تیلویزیون

نیا گوتئ دَبؤم، می پِءِر مَره بؤگوت: یه لیوان ئاو

 مَره دَکون مَرنی کئ می خیال تیلویزیون سَر نابؤ

 یه پَرئ ئاوی بَکلنم می پِءِر بؤگوت: تی حواس

 کویه نه ئاوئ هَما بَریختی خؤ؛مَرن تا واخوآبون

 یته ایستکؤنئ ئاوئ بؤشؤندم.

شاید خو هَمره گونین خاب ئاخر چی وَکت؟

 هیچی وَنکت فقط می پِءِر"بؤشؤندی" یا

 "بکلنی" جا ، بگوت:"بریختی"؛ درستئ کئ

 خو منظورئ برسَنی و مره واخوآگوت ولی یته

 فارسی فعل گیلکی میان واردآگوت. أندی گیلکی

 پویا هیسه کئ هی وارداتی فعلنی چاگوت

 گیلکی یعنی می پِءِر نگوت:" ریختی"، بگوت:

 "بریختی".ولی اینئ دقت بؤکونیم کئ فارسان"

 بؤشؤندی- فوگوتی- بَکلنی دَگوتی" هما گونن

 "ریختی"!!! گیلکی میان، بکلنی ویشتر بار

 منفی دَرئ! البته بؤشؤندی هم مثبت ایستفادئ

 بونئ هم منفی.

اگر گیلانئ ئی سر تا ئو سر میان بموجی ینی

 که ئیجور کلماتئ موسان کم نیه. مثلا شؤبوک،

 لَل و پونیش همه فارسی میان بونئ "پشه"؛

 کلگئ- ورزئ- تولؤم – لیشئ – کرَمیج همه

 بونئ "گاو" . گَرزَک و سیفتال بونئ "زنبور" یا

 میلِم و لنتی بونئ " مار".

وختی ئی گبانی زنم بعضِن قبول کونن بعضِن

 نی گونن زبان در حال تغییرئ!!

می نظر ئین هیسئ که ئی تغییر طبیعی نیئ ؛

 ئو بلایی کئ عربی شمشیر زور همرا فارسی

 سر بیارد ئیسئ فارسی گیلکی سر هوردئ

دَرئ ولی نه زور همرا ، یته ضد فرهنگ همرا

کئ ئینئ نام هیسه " شبکه باران ". البته دئ

 باخی صدا وسیما شبکان نی کم زحمت نکشن

 کئ ایرانئ ملیتانئ دارئ بگِنن ولی ئی دارئ

ریشه در هَوردئ مَنن.هر وخت شرایط مؤناسیب

ژ بَبون ئی ریشَن وزگئ(زیته(جوانه)) زنه...

ئیسه بدار شبکه باران هر چی ئینئ دسئ

 جی بر هَنئ انجام بَده، هر چی تونئ گیلانئ

 مردومئ بی فرهنگ نشؤن که هیچی ئیشانئ

 هَلی نیه بجوز دعوا گوتن و کَسَنئ سَر و کله

 کوتونِن.جوز جِرئ گوتن و زنتور زَن همرا منِن

کسنئ همرا گب بَزنن. گیلکی نی گب نزنن

 ئادم خو دلئ یئ را بنه فقط چنتئ فعل گیلکی

 جی گونن دئ باخی فارسی!امی مسئولین

نی ئینگار اروپا جی بیَردن که گیلکی نگونن.

 به قؤلئ مام ولی مظفری"به ئومیدئ نؤنِوا با،

 بی شؤم هیسَن" یا شیون کئ گونئ:

گیلانئ حافظی جؤن، همت جوانانه

+ نوشته شده در  جمعه بیست و هشتم خرداد 1389ساعت 19:4  توسط فرهنگ  | 

دیلمون

                                          دیلَمؤن

دیلمؤن پیرئ ولایت گیلؤنئ جفتئ برار, وَختی تی سبز ؤ سوتیغ   

کوهانئ یَنِم, چَچ بَزه کلاکوتئ جور ترئ ئیجور دوراگودَن یاد می         

 شی عَینئ سو تیغ سبزابون می سرئ جؤر چَچ زنئ می

 دیلئ دؤر.

دیلمؤن پیرئ ولایت گیلؤنئ جفتئ برار وَختی تی لَت پوشی          

خؤنَنئ  ینم کوچه باغِکؤنئ دِله فوسوس دؤسوس عَینه هو وَره

کوروز یادارم ئو پیلا کاخانئ بلند باغه شاهانئ دِلئ دور دورئ

شاران تی گِله جی وَرسه مَرداکان چاگوتَن پا بوگوتن ئیمه ترئ       

یاداگودن یئ دؤنئ پیلا بلندئ غم ئایئ شوپَرئ جور می              

 نیناکی دِلئ شون خؤنئ کونئ,کؤهنئ ساس پَس قبئ سَر            

 لؤنئ کونئ.

 

دیلمؤن پیرئ ولایت گیلؤنئ جفتئ برار وَختی تی ئایشئ مِلکانئ     

یَنِم ئی سی ئو سی دشتابؤن نایش ئابؤ یادارم شورئ گِلؤنئ           

دورئ شار کئ تی مَردانئ دَسی ئایش ئابئ می دیلئ        

دَشت مَرئ شوری زنئ می چیراغ سو مَرئ پیر پیری زنئ.

دیلمؤن پیرئ ولایت گیلؤنئ جفتئ برار وَختی تی نیشتِبؤکانئ       

 مو یَنِم تل تیل ئابؤ کئ فقط خو کلان ؤ گورسَرِکئ شؤ      

بؤخؤر نَمیر دَرِن دَرفکئ دال ئیشانئ خاوئ یَنئ ئیمَرَن مو                    

یَنِم پَلی شارانئ دِلئ تی ئادم نفر دَرِن خو نامئ پَس تی                 

نامئ یَدک کَشِن دیلَمؤن ئوشانئ شیرین کارینئ رئ تلئ                 

 یادئ مو مَرئ یدک کشِم سَسئ ئاوی می دَهَن خَرَک                  

کشِم سَسئ ئاوی می دَهَن خَرَک کشِم.

                                                                                           زنده یاد محمد ولی مظفری

واگردان ئیدامه مطلب میان


ادامه مطلب
+ نوشته شده در  یکشنبه نهم خرداد 1389ساعت 14:28  توسط فرهنگ  | 

                             تاریخ گیلان و دیلمستان

یته کیتاب دانلوده رئ نَهَم که دِبار سایت طبرستانئ جی دانلود

بوکودم کیتابئ نام "تاریخ گیلان و دیلمستان" هیسه که ظهیرالدین

مرعشی آملی ئونئ بَنویشته.

عربان که بومَن گیلان بدون جَنگ خو دینه تَبلغ گوتِن وَختی یه پَره

ئیشانئ کار وکاسِبی بَگیت ئَمی ساده مَردومه کَسَن کَسَنئ جؤن

دَگیِنتن شایَد اَگر ئو پتانسیلی که مَردومئ جی کم ئابو گیلانئ رئ

خرج بؤبؤ بی ئَمی اوضاع اینه جی خیلی بِهتَر بؤنابؤ.

دانلؤد ئیدامه یی مَطلبی میان


ادامه مطلب
+ نوشته شده در  شنبه یکم خرداد 1389ساعت 19:33  توسط فرهنگ  | 

سیاهی جی جؤر تَر رنگی نیه

سیاهی جی جؤر تَر رنگی نیه(کل شریف)

طرح هدفمند کردن یارانه ها در سه استان گیلان و ایلام و خراسان

شمالی به صورت آزمایشی اجرا شد.



تا کِن با اَمَرئ ئازمایش بوکونین مَگَر اَمو ئازمایشگاهی گَرزئ هیسیم؟ !!

اصلا چرا تا صحبت آزمایشی میشه روی ما اجراش میکنین اون دفعه

هم که صحبت آزمایش نظام جدید شد روی ما اجراش کردین     

خواستین ببینین اگه نتیجش خوب بود (یعنی اگه اعتراضی نبود چون 

نتیجه خوب یعنی ساکت موندن مردم) روی بقیه مردم هم اجراش    

کنین اگرم جواب داد روی مردم کومور و افغانستان!!!

حضرات مسئولین هم که لطف کردن از این طرح استقبال کردن 

دستشون درد نکنه که هرچی امتحان و آزمایشه روی مردمشون     

انجام میدن به قول شیون:

شالئ ئادَم خؤرئ ئاهو ئَمی شین

                                        واشَکئ لَنگِیه یاهو ئَمی شین

مسئولی که باید از حقوق مردم دفاع کنه از موش آزمایشگاهی 

شدنشون حمایت میکنه!

وَختی بؤشنؤوِسِم مَره تَش بَگیت. چَره وَختی خَنِن یته کارخؤنه        

بَزنن یا یته طرح ئومرانی چاکونن گیلانئ میان ئازمایش نؤکونن؟

خانه یه شیطانئ شاید گالپوشی خؤنه میشین

                          سَنگئ بدبَختی خؤرئ اَز هر طرف می شیشه یه

+ نوشته شده در  شنبه یکم خرداد 1389ساعت 18:59  توسط فرهنگ  |